tg-me.com/kanatentotetyeeohtahtadoo/30092
Last Update:
الساعات الفارقة
بنقضى يومنا كله رايحين جايين عايزين نخلص كل حاجه ومفيش حاجه بتخلص
ومهما قطعتى نفسك عشان تعملى كل حاجه.. مفيش حاجه هتخلص
عشان كدة عايزاكى تشتغلى بمبدأ الأولويات..
كل واحد فينا جواه دوافع بتحركه أنه يقوم ياكل ولا يشرب ولا يشتغل ولا ... ولا....
واكيد انتى كمان عندك دوافع تخليكى تعملى حاجات ثابته مفيدة فارقة مؤثرة ليكى ولاولادك باعتبارهم من أولوياتك الهاااامة
خلى معاكى تقسيم مهم لأهم ٣ ساعات يوميا فى حياتك
الساعة الأولى وقت الصباح اعملى اصطباحة حلللوة .. بداية مشرقة لليوم .. قبلة .. طبطبة .. جلسة لطيفة اشربى فيها قهوتك وشربى ولادك مشروب يناسب سنهم ومتتكلميش فى أخطاء ولا أعباء .. وقت هادى كدة كانك بتقولى ليهم صباح الهدوء
طبعا الكبار الل فى مدارس مش لازم يكون الوقت ساعة..ممكن اقل .. بس الفكرة فى لحظات الريلاكسيشن الصباحية هتعمل توازن نفسي رائع
وبردو مش للاطفال الل كارهين يروحوا المدرسة ..هتستسلمى من اول دقيقه.......
الساعه التانية
ممكن تكون خلال اليوم بعد الغداء او بعد العشاء .. تجمع اسرى دينى بحت .. ليه .. لانك هتُسالى عن دين ولادك وعقيدتهم وانك علمتيهم اية عن ربنا .. فكلنا محتاجين جلللللسة يومية تكون عن دين ربنا .. وقسميها زى ما تحبى المهم يكون فى مادة دينية يومية بيتم تدريسها لولادك وليكى انتى كمان ويا جمالو لو الاب معاكم .. اقسم بالله سححححر
المهم الجلسة بيكون فيها ربع ساعة تفسير لآيات قرآنية ..ابدأى من السور القصيرة .. وكملى وكل ما السورة تكبر اقسميها لو على عشر مرات .. المهم يفهموا ايات الله .. بعد كدة ممكن ناخد ربع ساعة فقه وتركزى على الحاجات الل بتقابلهم خلال اليوم
وبعدها ممكن ناخد ربع ساعة حديث ونشرحة ونطبقه فى حياتنا .. ونختم بالقصة ودى تكون مستمرة والقصص ماليه النت دورى ولادك يستحقوا لو مشيتى شهر على الساعة دى والله هتلاقى فرررق كبير جدا .. بس اعمليها ابتغاء وجه الله فقط
الساعه التالتة والأخيرة والمهم بالضبط بعد أهمية الاكل عند ولادك وهيه ساعة اللعب .. أيوة العبى معاهم .. أجروا ورا بعض .. العبوا رست .. العبوا اى لعب يحبوه واعتبرى الساعة دى صدقة يومية على ولادك .. هيحبووووكى اكتر وهيسمعوا كلامك اكتر
اخر نقطى سمى الساعات دى بأسماء حلوة عشان ولادك يتحمسوا ويتعودوا أن الساعات الحلوة بتفرق
وقت اللعب ممكن نقول عليه ساعة الشقاوة
وقت الدين ساعة ربى
وقت الهدوء ساعة قلبى
متزهقوش لو ولادكم تعبوكم فى الاول ورفضوا الساعات دى أو استجابوا لساعة وساعه لا .. هما لسه مش متعودين ..ممكن تقعدى ٣ اسابيع تحاولى عما الامور تستقر
بس النتائج تستحق التعب
بحبكم في الله
BY 🌴وإن تطيعوه تهتدوا🌴
Warning: Undefined variable $i in /var/www/tg-me/post.php on line 280
Share with your friend now:
tg-me.com/kanatentotetyeeohtahtadoo/30092